نسلق المكرونة و نسيبها على جنب.
نسيح الزبدة على النار و بعدين نرش عليها الدقيق، نقلب بمضرب سلك و نسيبهم على النار لمدة دقيقتين.
نضيف اللبن اللى كنا سخناه على الدقيق، نضربه بمضرب سلك و نتأكد ان مفيش كلاكيع و نسيب الخليط على النار لمدة دقيقتين لحد لما يبقى سميك.
نشيله من على النار، نضيف الجبنة و نقلب لحد لما الجبنة تسيح ونتبل الخليط بملح و فلفل.
نضيف صوص الجبنة على المكرونة المسلوقة و ننزل الخليط فى صنية واسعة و نسيبها فى الثلاجة تبرد، لمدة ساعتين على الأقل.
نطلع الخليط من الثلاجة، نشكله على شكل كور و نحطهم فى صنية أو طبق كبير مغلف بورق زبدة  و نسيبها فى الفريزر من بليل للصبح.
نضرب البيض مع معلقتين كبار لبن و ننزلهم فى سلطانية.
ننزل البقسماط فى سلطانية تانية.
ننزل كورات المكرونة بالجبنة من الفريزر،نغلفها بالبيض و بعدين بالبقسماط. 
دخلى كورات المكرونة بالجبنة الفريزر بعد لما غلفتيهم بالبيض و بالبقسماط لحد لما تيجى تقليهم. 
نسخن زيت فى طاسة و نقلى فيه كورات المكرونة بالجبنة لمدة خمس دقايق، لحد لما لونها يبقى دهبى.
ننشفها من الزيت و تتقدم.