أومليت المكرونة
التكلفة : 18 جنيه
المقادير
- 1 كيس مكرونة مرمرية الملكة (400 جم)
- 8 بيضات
- بصلة صغيرة متقطعة رفيع
- فلفل الوان (معلقه كبيره من كل لون)
- 3 معالق كبار بقدونس
- معلقتين سمنة صغيرين
طريقة التحضير
نسلق المكرونة و نسيبها على جنب.
نشوح البصلة فى نص معلقة سمن و بعدين ننزل عليها فلفل الالوان و نقلبهم لحد لما يدبلوا، نرفعهم من على النار ونضيف البقدونس ونهويها شوية علشان تبرد.
نضرب البيض فى سلطانية و بعدين ننزل عليه البصل و الفلفل و المكرونة (الخليط لازم يكون سايل شوية)
نحضر طاسة و نحط فيها مسحة من السمنة (1/4 معلقة) ونحط عليها كبشة بخلطة المكرونة بالبيض ونغطى عليها شوية لمدة 3 دقايق و اقلبها على الناحية التانية لغاية لما تبقى شبه الاومليت بالظبط بس فيها مكرونة والخضار (فلفل والبصل) وتتقدم
