مكرونة بخلطة المحشى
التكلفة : 11.5 جنيه
المقادير
- 1 كيس مكرونة مرمرية الملكة (400 جم)
- بصلة حجمها كبير (متقطعة رفيع)
- 3 كوبايات كبيرة عصير طماطم تقيل
- نص كوباية شبت متقطع رفيع
- نص كوباية بقدونس وسط مقطع رفيع
- نص كوبايه وسط كزبرة خضرا
- فصين ثوم
- 3 معالق زيت كبار
طريقة التحضير
نسلق المكرونة و نسيبها على جنب.
نجيب حله ونحط فيها الزيت وننزل عليه البصل ونتبله ونحط عليه الثوم ونقلبهم مع بعض و بعدين ننزل عليهم عصير الطماطم مع ملح وفلفل وكمون ونقلبهم لمدة 20 دقيقة لحد لما يتسبك.
ننزل عليهم شبت وبقدونس وكزبرة مقطعين رفيع جدا ونقلبهم مع بعض وبعدين نحط عليهم المكرونة المسلوقة ونقلبهم على النار لمدة 3 دقايق ويتقدم
